«Өлбөс полк» акциясына экс-президент Алмазбек Атамбаев үй-бүлөсү менен катышууда

Экс-президент Алмазбек Атамбаев үй-бүлөсү менен «Өлбөс полк» акциясына катышууда.  Ал атасы Шаршен Атамбаевдин сүрөтүн көтөрүп чыккан. Экс-президенттин жанында жубайы Раиса Атамбаева, уулу Сейит Атамбаев, Кадыр Атамбаев, небереси Селим да бар. 

Партиядан билдиришкендей, Алмазбек Атамбаевдин үй-бүлө мүчөлөрү бул акцияга 2015-жылдан бери катышып келе жатышат.  Экс-президенттин атасы Атамбаев Шаршен – Улуу Ата Мекендик согуштун катышуучусу.  1943-жылы июнь айында согушка чакырылып, Улуу Жеңиш күнүнө чейин кан майданда салгылашкан.